មេដឹកនាំពិភពលោក បានសម្ដែងការដឹងគុណ និងគោរពដល់សពលោក Lee Kuan Yew

(សិង្ហបុរី)៖ មេដឹកនាំពិភពលោក បានសម្ដែងការដឹងគុណ និងគោរពដល់វិញ្ញាណក្ខន្ធលោក Lee Kuan Yew បិតាស្ថាបនិក​ប្រទេសសិង្ហបុរី ដែលបានស្លាប់នៅថ្ងៃចន្ទម្សិលមិញនេះ។

ខាងក្រោមនេះគឺជាសារ និងសេចក្ដីកោតសរសើរដឹងគុណ​ចំពោះលោក Lee Kuan Yew៖

០១) ប្រធានាធិបតីសហរដ្ឋអាមេរិក លោក Barak Obama បានកោតសរសើរលោក Lee Kuan Yew ដែលជាមេដឹកនាំមួយ មានចក្ខុវិស័យ​ខ្ពស់ បម្រើ​យ៉ាងស្មោះត្រង់ដល់​ប្រជាជន និង​ប្រទេសសិង្ហបុរី សម្រាប់​ប្រយោជន៍សាធារណៈ។

០២) នាយករដ្ឋមន្ត្រីចក្រភពអង់គ្លេស David Cameron បាននិយាយថា មរណភាពរបស់លោក Lee Kuan Yew ជាមរណភាពដែលចារទុកនៅក្នុងប្រវត្តិសាស្ត្រ ជាមួយនឹង​បូរណភាពទឹកដី​របស់គាត់។ ចំណែកលោក Tony Blair អតីតនាយករដ្ឋមន្ត្រីចក្រភពអង់គ្លេសវិញ បានថ្លែងថា សូមកោតសរសើរចំពោះការដឹកនាំប្រទេសរបស់លោក Lee Kuan Yew ដែលបានប្រើប្រាស់នយោបាយសម័យទំនើប រហូតធ្វើឲ្យសិង្ហបុរី​ក្លាយជា​ប្រទេសមួយដ៏អស្ចារ្យ។

០៣) នាយករដ្ឋមន្ត្រីកាណាដា លោក Stephen Harper បាននិយាយថា គាត់មានសេចក្ដីព្រួយបារម្ភ នៅពេលទទួលបានដំណឹងមរណភាពនេះ និងបានកើតសរសើរថា លោក Lee Kuan Yew ជាមេដឹកនាំមួយដែលគួរឲ្យគោរព្វ និងមានស្នាដៃ ដែលបានប្រែក្លាយប្រទេសសិង្ហបុរី ពីប្រទេសកំពុងអភិវឌ្ឍន៍ឲ្យទៅជាប្រទេស ​ដែលឈានមុខគេខាង​ហិរញ្ញវត្ថុ ការដឹកជញ្ជូន ការអប់រំ និង​បច្ចេកវិទ្យា ជាពិសេសគឺជាប្រទេសមួយមានស្ថេរភាព និង​រុងរឿងនៅក្នុង​តំបន់អាស៊ីអាគ្នេយ៍។

០៤) ប្រធានាធិបតីម៉ិកស៊ិក លោក Enrique Pena Nieto បានថ្លែងតាមរយៈ Twitter ថា លោកមានអារម្មណ៍សោកស្ដាយ នៅពេលទទួលបានដំណឹងមរណភាព​របស់លោក Lee Kuan Yew។

០៥) ប្រធានាធិបតីអាហ្គានីស្ថាន លោក Ashraf Ghani បាននិយាយថា លោកសោកស្ដាយចំពោះមរណភាពនេះ ប៉ុន្តែលោកសាទរ និងកោតសរសើរ​ចំពោះ​ លោក Lee Kuan Yew ដែលជាមេដឹកនាំមួយដែលមានគំនិតអភិវឌ្ឍន៍ខ្ពស់ ហើយលោកនឹងចាំចង់ លោក Lee Kuan Yew ជារៀងរហូត។

០៦) នាយករដ្ឋមន្ត្រីអូស្ត្រាលី លោក Tony Abbott បាននិយាយថា លោកកោតសរសើរចំពោះបទបង្ហាញរបស់លោក Lee Kuan Yew ក្រោមប្រធានបទថា «តំបន់អាណាចក្រ​យក្ស​របស់យើង»។ ចំណែកលោក Kevin Rudd អតីតនាយករដ្ឋមន្ត្រីអូស្ត្រាលី បាននិយាយថា លោក Lee Kuan Yew គឺជានាយករដ្ឋមន្ត្រីដ៏កម្ររកបានបំផុតក្នុង​លោក។

០៧) លោកនាយករដ្ឋមន្រ្តីញូវែលសេឡង់ លោក John Key បាននិយាយថា លោក Lee Kuan Yew គឺជាមេដឹកនាំដ៏អស្ចារ្យសម្រាប់​ប្រទេសសិង្ហបុរី និង​សហគមន៍អន្តរជាតិ។

០៨) ប្រធានាធិបតីបារាំង លោក Francois Hollande បានថ្លែងថា លោកបានបាត់បង់មិត្តភ័ក្តិដ៏ល្អមួយ ជាមួយនឹងមរណភាពរបស់លោក Lee Kuan Yew៕